所講的是本人左腳膝蓋的傷患，在數年前開始出現，醫生告訴我可能我身體過重，建議我減磅，仲要係勁減那一種。佢叫我減到一個不可能減到的磅數，我心諗如果要減到那個磅數，我諗要幫襯減肥公司先得，而且膝痛情況只是間唔中痛一陣，所以一路都無特別在意。熱愛足球的我，一向有間中踢下波，但因為朋友不是常常有場，所以都只係維持一個月一次左右，近這一兩年，再次參與屋苑足球隊的活動，好處是有較穩定旳場紙，一個月都踢倒三四次，而且地場又近住所，十分方便。不知是否踢得多了，身體毛病開始出現，腰痛一度困擾了我數個月，但早前經中醫的治療，問題已經解決。但膝痛的情況出現得頻密了，而且痛楚感覺亦強了很多，不過都只是在上落樓梯時間出現，但後來發展到踢波都會痛，睇過一些網上資料，發覺膝痛情況原來都幾普遍，不過郤沒有找到方法好好護理，所以唯有用最消極的方向，就是休息。
剛剛過去的星期日是教會足球比賽的第一場，本身預期盡量不落場，不過賽前經過一星期的休息，比賽前練習又無乜痛喎， 可能係咁太過興奮，沒有好好做足熱身，比賽進行了十分鐘左我便要出場，半場過後都沒有不妥，但下半場十分鐘左右，右腳突然出現抽筋情況，立即叫人換我。回想一下，都好耐無試過踢波踢到抽筋了，可能是比賽太緊張吧。可憐的是過了兩天，右腳還是很痛呀！幸好下一場比賽到九月一日才進行，希望今場比賽受傷的球員能盡快復元，大家努力呀！
講回減磅問題，其實最終都係要減低進食的食物份量才最有效，做多多運動都無乜大用，近這一個月，晚餐開始減了食量，有時食個蘋果，有時食個包都得，甚至有時唔食添，發覺身體好似適應了，最正的是我沒有捱餓的感覺，好多時放工後都沒有肚餓的感覺，希望趁住這個時候，再令磅數下調就好了。
